កម្លាំងជំនាញខេត្តបង្ក្រាបករណីជួញដូរ រក្សាទុកនិងប្រើប្រាស់ដោយខុសច្បាប់នូវសារធាតុញៀន៥ករណីឃាត់ខ្លួនជនសង្ស័យ០៩នាក់
13-April-2018 | ដោយ ពលមនសិការ
កំពង់ចាម៖កាលពីថ្ងៃទី១២ ខែមេសា ឆ្នាំ២០១៨ កម្លាំងជំនាញបានបង្ក្រាបករណី ជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន០៥ករណី(ស្រុកព្រៃឈរ០១ករណី ស្រុកចំការលើ០៣ករណី ក្រុងកំពង់ចាម០១ករណី)ឃាត់ខ្លួជនសង្ស័យ០៩នាក់។
សមត្ថកិច្ចបានឲ្យដឹងថាជនសង្ស័យទី១-ឈ្មោះ ជឿន គន្ធា ភេទប្រុស អាយុ២៤ឆ្នាំ ជាតិខ្មែរ នៅភូមិត្រពាំងឬស្សី ឃុំសំរោង ស្រុកព្រៃឈរ ខេត្តកំពង់ចាម(មានដីកាបង្គាប់អោយចាប់ខ្លួនលេខ១៤៦៨ច.ខ ចុះថ្ងៃទី០៩ ខែមីនា ឆ្នាំ២០១៨ ពីបទហិង្សាដោយចេតនា), ទី២-ឈ្មោះ ជួប វណ្ណៈ ភេទប្រុស អាយុ៣១ឆ្នាំ ជាតិខ្មែរ នៅភូមិលេខ១ សង្កាត់សាលាសន្សំកុសល ខណ្ឌមានជ័យ រាជធានីភ្នំពេញ,ទី៣-ឈ្មោះ សែន ជំនោប ភេទប្រុស អាយុ២៥ឆ្នាំ ជាតិខ្មែរ នៅភូមិព្រៃខ្ជាយ ឃុំសំរោង ស្រុកព្រៃឈរ ខេត្តកំពង់ចាម, ទី៤-ឈ្មោះ ឪ សុផល ភេទស្រី អាយុ៤៥ឆ្នាំ នៅភូមិតាប៉ាង ឃុំតាប្រុក ស្រុកចំការលើ ខេត្តកំពង់ចាម, ទី៥-ឈ្មោះ ង៉ូវ ប៊ុនហេង ភេទប្រុស អាយុ២៥ឆ្នាំ ជាតិខ្មែរ នៅភូមិតាប៉ាង២ ឃុំតាប្រុក ស្រុកចំការលើ ខេត្តកំពង់ចាម, ទី៦-ឈ្មោះ ស្រ៊ុន ចំណាប់ ភេទប្រុស អាយុ២៧ឆ្នាំ ជាតិខ្មែរ នៅភូមិវាលរីកើត ឃុំស្វាយទាប ស្រុកចំការលើ(មានដីកាបង្គាប់អោយចាប់ខ្លួនករណីជួញដូរដោយខុសច្បាប់នូវសារធាតុញៀន), ទី៧-ឈ្មោះ លន់ ប៊ុនថុន ភេទប្រុស អាយុ២២ឆ្នាំ នៅភូមិស្វាយទាប ឃុំស្វាយទាប ស្រុកចំការលើ ខេត្តកំពង់ចាម, ទី៨-ឈ្មោះ លន់ សូផាត ភេទប្រុស អាយុ៣២ឆ្នាំ នៅភូមិស្វាយទាប ឃុំស្វាយទាប ស្រុកចំការលើ ខេត្តកំពង់ចាម និងទី៩-ឈ្មោះ ហេង សេងហ័រ ភេទប្រុស អាយុ២១ឆ្នាំ ជាតិខ្មែរ នៅភូមិស្ពានថ្មី ឃុំស្រងែ ស្រុកព្រៃឈរ ខេត្តកំពង់ចាម។
វត្ថុតាងដកហូតរួមមានៈ ម្សៅក្រាមពណ៌សសង្ស័យថ្នាំញៀន១៤កញ្ចប់(ធំ០៨កញ្ចប់ និងតូច០៦កញ្ចប់) ម៉ូតូ០២គ្រឿង រថយន្ត០១គ្រឿង ជញ្ជីងអេឡិចត្រូនិច០២គ្រឿង ទូរស័ព្ទដៃ០៧គ្រឿង អាវុកែឆ្នៃ(កាំភ្លើងខ្យល់)០២ដើម។ បច្ចុប្បន្នជនសង្ស័យទាំង០៩នាក់ត្រូវបានឃាត់ខ្លួននិងកសាងសំណុំរឿងតាមនីតិវិធី៕
ចំនួនអ្នកទស្សនា
- ថ្ងៃនេះ2681
- ម្សិលមិញ10851
- សប្តាហ៍នេះ69201
- ខែនេះ184351
- ឆ្នាំនេះ184351
- សរុប20626807